O día 21 de febreiro, Día Internacional da Lingua Materna, saímos de viaxe de estudos para Grecia cos alumnos, e non puidemos celebralo dende a biblioteca. Mais, quen nos ía dicir que o iamos celebrar en Grecia. Que como o celebramos? Falando galego. E nisto foron fundamentais un grupo de alumnos galegofalantes doutro Instituto que tamén viñeron con nós na mesma viaxe. Sen adoutrinamentos nin complexos. Natural. Porque o galego é a lingua de Galicia. Ante o éxito do experimento a nosa proposta é que fagamos intercambios entre os institutos da Coruña e os doutras zonas galegofalantes. Estamos seguras de que os resultados serían chamativos.
Para que reflexionedes un pouco sobre este tema deixámosvos o documental Linguas cruzadas, dirixido por Mónica Ares e Mª Yañez e estreado hai dous anos na TVG o 17 de maio, que afonda na situación sociolingüística do idioma dende a perspectiva da xente nova. QUE VOS GUSTE!
Para que reflexionedes un pouco sobre este tema deixámosvos o documental Linguas cruzadas, dirixido por Mónica Ares e Mª Yañez e estreado hai dous anos na TVG o 17 de maio, que afonda na situación sociolingüística do idioma dende a perspectiva da xente nova. QUE VOS GUSTE!
2 comentarios:
Debo pedirvos desculpas por non vos ter visitado antes (peor para min!).
Así e todo, moito me gusta esta noticia. Non é que me entusiasme que algo tan elemental sexa noticia, pero ninguén me poderá impedir que me alegre... e me siga alegrando, e me siga alegrando, porque non é tan raro como nos queren impoñer coa toda a súa forza impositiva, que eles si que a teñen!
Grazas polo teu comentario. Xa se sabe que se os poderes fácticos non axudan as cousas son moito máis lents e complicadas, pero a nivel individual sempre pensei que o mellor que se pode facer para que algo se desenvolva con normalidade é predicar co exemplo e ser auténtico. Iso acaba contaxiando máis que calquera cousa que nos digan. O teu comentario tamén nos serviu para coñecer o voso blogue e comprobar canto traballades. A ver se polo menos conseguimos "militantes da lectura".
Publicar un comentario