A NOSA FRASE DA PAZ 2016

Elexida polos nosos seguidores/lectores:

"Non hai camiño cara á paz, a paz é o camiño"

Ghandi


23/12/12

OS PRIMEIROS XOGUETES DIDÁCTICOS EN GALEGO



O pasado 9 de decembro o xornal "La Voz de Galicia" informaba dun italiano, Guido Leboroni, a  persoa que creou a primeira empresa en facer xoguetes didácticos en galego.
Aquí o artigo do xornal:

De Italia a Lugo por amor e para crear o primeiro xoguete en galego

19/12/12

PREMIO DA CRÍTICA 2012: AGUSTÍN FERNÁNDEZ PAZ



O premio de creación literaria dos Premios da Crítica 2012 este ano foi para Fantasmas de luz de Agustín Fernández Paz, publicada por Edicións Xerais. Esta obra xa acadara o premio AELG ao mellor libro infantil e xuvenil 2012. Miguelanxo Prado, que xa ilustrou outras obras deste autor,encárgase das ilustracións.
 O xurado dos premios da crítica apuntou como razóns para premiar esta obra "a súa capacidade de enfiar cine e literatura na arquitectura da novela, unha das marcas poéticas do autor; o tratar problemas da sociedade de hoxe que levan  á invisibilidade dos excluídos, aínda que a historia se sitúe nunha etapa anterior á crise; o facelo con humor, fina ironía e unha ollada atenta aos problemas profundos da nosa sociedade; e, por último, pola súa mensaxe final que, malia as denuncias, está cargada de optimismo e esperanza nun futuro mellor."

18/12/12

SEMANA DE CELSO EMILIO FERREIRO

Inmersos como estamos na homenaxe a C.E. Ferreiro, queremos compartir aqui, en arquivos, a presentación na que estes días estades participando coas vosas recitacións. De paso queremos animarvos a pedir en préstamo algún dos libros que esta semana están expostos no expositor da columna. Para ver o vídeo coas gravacións teredes que esperar a que acabemos o venres e, seguramente, a que pasen as festas. PACIENCIA QUE TODO CHEGA!




NORABOA A TODOS! É EMOCIONANTE ESCOITAR A TANTOS ALUMNOS RECITANDO POESÍA GALEGA.

UN CONTO DE NADAL DE DICKENS


Finalizando o 2012, o ano no que se conmemora o 200 aniversario do nacemento do escritor británico Charles Dickens, imos empezar as vacacións de Nadal coa proxección dunha película baseada no seu clásico  "A CHRISTMAS CAROL" ("Un conto de Nadal"). Incluímos aquí información sobre a novela e a película que imos ver o venres ás 12:30 (para o alumnado de 1º e 2ºESO no salón de actos).

Canción de Nadal ou Un conto de Nadal (título orixinal en inglésA Christmas Carol) é unha novela curta escrita en 1843. Nela fálase de cómo unha persoa tacaña pode cambiar a súa actitude durante o Nadal.
A obra divídese en tres partes:
  • Prefacio, que narra cómo Scrooge se mostra como un vello avaro que non celebra o Nadal sen importarlle o que pase.
  • Os Espíritus:
  1. O do Pasado: Mostra a Scrooge antes de ser avaro e apático co Nadal, contrastada entre a soedade da nenez e a alegría romántica da súa xuventude.
  2. O do Presente: Conta cómo se celebra o Nadal no seu país,a súa familia e a do seu empregado Cratchit.
  3. O do Futuro: Presenta a traxedia da ruina de Scrooge y a vista á súa tumba.
  • Conclusión, que relata o cambio de Scrooge cando celebra o Nadal con alegría.

A película que imos ver en versión orixinal con subtítulos en Castelán, e unha versión animada por ordenador do ano 2009, dirixida por Robert Zemeckis para Disney.
Ebenezer Scrooge (Jim Carrey) é unha persoa malhumorada que trata con desprecio e malos modais ao seu fiel empregado Bob Cratchit (Gary Oldman) e ao seu alegre sobriño (Colin Firth). Pero, cando o espíritu dos Nadais pasados, presentes e futuros o arrastran a unha viaxe, na que descubre verdades que sempre negouse a ver, o corazón do vello avaro  ilumnase e dase conta de que debe actuar inmediatamente para contrarrestar tantos años de egoísmo e rencor.
Video trailer da película:

Versión en inglés desta entrada en ClickOnEnglish.

15/12/12

ACTO NA BIBLIOTECA



 
LUNS
MARTES
MÉRCORES
XOVES
VENRES
8.30/9.20
 
 
 
 
 
 
9.20/10.10
 
 
 
 
 
 
RECREO
 
 
 
 
 
10.30/11.20
 
1
4ºB/2ºC
3
4ºC/4ºA
5
S2ºC/S2ºD
7
3ºB/4ºD
9
3ºD/3ºC
11.20/12.10
 
2
1ºB/2ºA
4
1ºA/2ºB
6
S1ºD/S2ºA
8
S2ºB/S1ºC
10
3ºA/S1ºAB
RECREO
 
 
 
 
 
12.30/13.20
 
 
 
 
 
 
13.20/14.10
 
 
 
 
 
 
   
 











Este é o horario do acto que a semana que vén celebraremos na biblioteca en homenaxe ao poeta de Celanova. Xa estades todos ensaiando para que saia perfecto, seguro que si. Mentres podemos ir facendo boca con este vídeo realizado polos alumnos do Instituto de As Barxas


Deitado frente ao mar I from Seso Durán on Vimeo.

29/11/12

CABALLERO BONALD: PREMIO CERVANTES 2012

 
Acaban de conceder outro premio literario no día de hoxe, o Premio Cervantes 2012 a José Manuel Caballero Bonald. Aquí o enlace para acceder a toda a información sobre o premiado e o premio no xornal EL PAÍS.

28/11/12

SEMANA DE HOMENAXE A CELSO EMILIO FERREIRO

Xa temos as datas para conmemorar o centenario do nacemento de Celso Emilio Ferreiro. Será a semana do 17 ao 21 de decembro, a última do trimestre. O acto será na biblioteca todos os días desa semana de 10.30 a 12.10, e así o repetiremos dez veces para que poidades participar todos os grupos de ESO e Bacharelato. Veredes unha breve presentación que estamos preparando, pero tamén participaredes lendo algúns dos seus poemas, e nós gravarémolo todo en vídeo.
 


















Os titores serán os que nos axuden a ensaiar para que todo saia perfecto.

Mentres chega a homenaxe, xa podedes pedir en préstamo un libro deste autor para ir lendo os seus magníficos poemas. Seguro que vos gustan.
E, por último, botádelle un ollo a este vídeo no que uns alumnos da área de galego do Instituto Español Cañada Blanch en Londres difunden un poema de Celso Emilio, é moi interesante, desde arquivos agradecémoslles o traballo.

 

27/11/12

PREMIO NACIONAL DAS LETRAS: FRANCISCO RODRÍGUEZ ADRADOS


Acaba de ser fallado estes días o Premio Nacional de las Letras Españolas 2012. Este ano foi galardonado o catedrático de Filoloxía Grega, lingüista e tradutor, D. Francisco Rodríguez Adrados pola súa obra científica recoñecida mundialmente, tanto no campo da Lingüística en xeral, e indoeuropea en particular, como no campo do ensaio literario.  Podedes ler toda a información neste enlace: FRANCISCO RODRÍGUEZ ADRADOS
Pero en Arquivos queremos destacar que o profesor Rodríguez Adrados é ao mesmo tempo unha das voces máis autorizadas en Europa como defensor das Humanidades clásicas. Os anos nos que foi Presidente da Sociedad Española de Estudios Clásicos (SEEC) encabezou todas as reivindicacións ante as autoridades en favor dos estudos do Grego e do Latín no Bacharelato, así como da Cultura Clásica na ESO. Nunca escatimou tempo nin enerxía en loitar pola presenza que estas materias se merecen no ensino secundario e no bacharelato, levando a cabo importantes campañas na prensa e ante os políticos e  intelectuais máis destacados do país.
Mágoa que cando damos un paso cara adiante, acto seguido demos dous cara atrás: a nova lei de Educación que se quere aprobar é de novo un paso atrás para os estudos clásicos. De novo, profesor Adrados, teremos que redactar escritos, recoller sinaturas, en fin, de novo debemos loitar contra corrente, pero xa estamos afeitos.
¡Noraboa polo premio! Estou segura que o cambiaría pola continuidade, por exemplo, da Cultura Clásica na ESO na nova lei.

25/11/12

DÍA INTERNACIONAL CONTRA A VIOLENCIA DE XÉNERO


Hoxe, 25 de novembro, celébrase o Día Internacional contra a violencia de xénero. En arquivos preguntámonos cómo é posible que un home se crea con dereito a exercer a violencia contra súa muller polo feito de selo; cómo é posible que un ser humano se crea con dereito a someter a outro á forza. Se é verdade que somos seres racionais, NON SE ENTENDE.
Sirva esta curta sobre a violencia de xénero para que todos meditemos e consigamos poñer freo a tanta loucura. 



A película, Te doy mis ojos, é xa imprescindible á hora de tratar o tema. Neste enlace podedes atopar a ficha e un comentario sobre ela.

Neste outro enlace hai material didáctico sobre a película por se a queredes traballar nas titorías.


23/11/12

HOMENAXE



Hoxe celebramos a xubilación da nosa compañeira Carmen. Só pasou dous anos con nós pero estaba totalmente integrada no centro. Despedímola cunha mestura de alegría e tristeza, algo xa frecuente neste tipo de despedidas. Pero queremos dicirlle que xa sabe onde quedamos, que nos gustaría que viñese de cando en vez a tomar un cafetiño e charlar un pouco e, de paso, que nos compadeza porque veñen tempos moi complicados.
Ata entón, un bico moi forte e este recordo para que non nos esqueza.

18/11/12

EN DEFENSA DUNHA BIBLIOTECA

Fai un ano Rosa Montero publicou este artigo en EL PAÍS no que destacaba como boa noticia nestes tempos tan revoltos as movilizacións dos veciños do Zaidín (distrito popular e modesto de Granada) en defensa da súa biblioteca. Finalmente os libros foron desaloxados á forza da biblioteca pero non sen a resistencia dos veciños que seguen a loitar polo que consideran que é un oprobio. Como di a escritora "mentres haxa xente así, haberá futuro".

15/11/12

É a Cultura Clásica unha mercadoría?

Para nós NON, para os gobernantes SI, ou polo menos iso parece, e a materia de GREGO nin che conto. A LOMCE (¡xa está ben de siglas!), a nova Lei Educativa, pretende suprimir a materia de Cultura Clásica na ESO e relegar o Grego a materia optativa, mesmo no bacharelato de humanidades. Cada vez comprendo menos este mundo!
Para defender a permanencia destas materias, xorde unha iniciativa que consiste en escribir o próximo xoves 15 de novembro un tweet en latin ou grego engadindo o hashtag #pipiatioclassica. Ou esta outra que consiste nunha lectura conxunta dos clásicos gregos e latinos o día 12 do 12 do 2012 ás 12 a.m. Desta última iniciativa volveremos a falar máis adiante. Agora compre pedirvos a todos os que creades que a Cultura Clásica non debe desaparecer da ESO, nin o Grego quedar como optativo no Bacharelato de Humanidades, que este xoves enviedes o tweet mencionado máis arriba. E para que non teñades a disculpa de "eu non sei poñer nada en latin nin en grego", aqui tedes algunhas ideas:
Errare humanum est
Γνῶθι σεαυτόν
Omnia vincit Amor
Σκιᾶς ὄναρ ἄνθρωπος
Ave, Caesar, morituri te salutant!
Ἄνθρωπός πολιτικὸν ζῷον
Verba volant, scripta manent
Μνδὲν ἄγαν
Sic tibi terra levis sit!
Μῆνιν ἄειδε, θεά, Πηληϊάδεω Ἀχιλλῆος
 
Xa podo adiantar que o meu tweet en latín será Quosque tandem, Catilina, abutere patientia nostra? Cambiarei o nome de Catilina por outro, claro está. E o tweet en grego será Εἴ τι καλὸν μανθάνουσιν οἱ νεανίαι ἐν τῇ ψυχῇ αὐτὸ φυλάττουσιν (=se os mozos aprenden algo fermoso gárdano na alma), chego a pensar
 que é iso o que non queren "que a xente nova aprenda cousas fermosas".
 


VIDEO PROMOCIONAL DE LA INICIATIVA DE AMUPROLAG Y SEEC MURCIA #yoconozcomiherencia

Para terminar un pouco de humor

chiste sin pie de foto

10/11/12

É UN LIBRO!

Non é unha cousa rara... Non envía mensaxes, pero as ten... Non bloguea nin tuitea... Non necesita ter conexión inalámbrica... podes usalo en calquer lugar... É (simplemente) un libro... pero ten tanto dentro... so abre un...
 
Video "É UN LIBRO" (+subtitulos en castelán):

Versión inglesa desta entrada @ ClickOnEnglish.


09/11/12

LAURA GALLEGO: PREMIO NACIONAL DE LITERATURA INFANTIL E XUVENIL 2012


















Laura Gallego, acaba de ser premiada co Premio Nacional de Literatura Infantil e Xuvenil 2012 pola novela Donde los árboles cantan. Trátase dunha novela épica que se sitúa dentro do xénero fantástico, como a meirande parte da súa produción. Esta obra xa foi número un de ventas o ano pasado. Neste enlace podedes ler un capítulo.

Lembramos que esta autora comezou a súa carreira con obras como Finis Mundi ou La leyenda del rey errante, e conta coa saga Memorias de Idhún e unha trintena de títulos máis. Unha das creadoras con máis éxito no momento actual.
Se tes curiosidade, pregunta na biblioteca e deixarémosche en préstamo a obra premiada ou a saga Memorias de Idhún.

06/11/12

CELSO EMILIO FERREIRO

No mes de decembro a biblioteca adicará as súas actividades á figura do escritor galego Celso Emilio Ferreiro con motivo do centenario do seu nacemento. Por iso traemos aqui O meu primeiro Celso Emilio, un libro-disco editado por Xerais no que se recolle unha escolma de poemas do autor, en total 28 poemas. Oito deses poemas cobran nova vida musicados e cantados por María Manuela, Mini e Mero e Xiana Lastra. Unha obra, pois, moi interesante que fai confluír poesía e música na mesma publicación.
A continuación, e para ir facendo boca, deixámosvos con este vídeo filmado durante a gravación e que recolle as impresións dos participantes.


"O meu primeiro Celso Emilio" from Seispés Producións Creativas on Vimeo.

31/10/12

SAMAIN OU O HALLOWEEN GALEGO

 
Samain é a festividade de orixe celta máis importante do periodo pagano que dominou Europa ata a súa conversión o cristianismo, na noite do 31 de outubro ao 1 de novembro celebrabase o fin da tempada de colleitas na cultura celta e considerábase como o «Aninovo Celta», que comezaba coa estación oscura. É tanto unha festa de transición (o paso dun ano ao outro) como de apertura ao outro mundo. A súa etimología é gaélica e significa fin do verán.
Celébrase dende fai máis de tres mil años polos pobos celtas que poblaron toda Europa.
Rafael López Loureiro, mestre de escola de Cedeira (A Coruña) foi o responsable de redescubrir esta tradición e comprobar que existía por toda Galicia ata fai menos de trinta anos. Ademáis, tamén comprobou a súa pervivencia no norte de Cáceres, e en zonas de Zamora e de León cercanas a Galicia, onde a lingua e as tradicións galegas están moi arraigadas. Analizou tamén a relación do costume das cabazas co culto á morte e a semellanza coas tradicions irmans das illas británicas. Ata chegou a detectar peculiaridades como a de Quiroga (Lugo), onde a cabaza tallada se seca e conserva para usala como máscara no Entroido.
Xoán Xosé Pérez Labaca tamén defende a pervivencia do samaín en Galicia, e escribe que "aquí era fai uns anos, nalgúns sitios aínda é, moi habitual polas vésperas do Día de Defuntos coller cabazas ... e facer con elas caras aterradoras cuns ollos e unha nariz abertos e colocando uns pauciños, como dentes, na feroz boca aberta, ás que se lle poñía dentro acendido un cabo dunha vela".
Na actualidade, o Samaín segue a celebrarse ano tras ano en gran parte das cidades e vilas de Galicia, como A Coruña, Ferrol, Cedeira, etc. Na vila ourensana de Ribadavia celébrase cada 31 de outubro a festa da "noite meiga" na que a vila se enche de pantasmas, meigas, vampiros... e o castelo de Ribadavia é o gran escenario da pasaxe de terror, entre outras actividades.

Versión en inglés desta entrada @ ClickOnEnglish.
 

29/10/12

CHEGA O SAMAÍN

Aqui tedes unhas cancións e varias curtas para celebrar o SAMAÍN. Escoitarémolas o día 30 de outubro.



26/10/12

UNHA LEI PARA TODAS AS BIBLIOTECAS DE GALICIA


Comprácenos comunicarvos que no DOG de 27 de xuño saiu publicada a Lei de Bibliotecas de Galicia na que aparece a Rede de Bibliotecas Escolares como integrantes do Sistema Galego de Bibliotecas, xunto coa biblioteca de Galicia, a Rede de Bibliotecas Públicas de Galicia, as Bibliotecas Universitarias e as bibliotecas especializadas entre outras.
Moitos profesores levamos traballando anos para engrandecer as bibliotecas dos nosos centros, adaptalas aos novos tempos e conseguir o lugar que lles corresponde, non só por seren "a ÚNICA biblioteca pola que pasa toda a poboación en idade escolar dun país", senón porque actualmente en Galicia son verdadeiros motores de dinamización cultural nos centros de ensino. Por iso estamos de noraboa.
A continuación copiámos o artigo do DOG no que se fala das bibliotecas escolares: 
 
Artigo 31.

Bibliotecas escolares
1. As bibliotecas escolares son recursos do centro educativo ao servizo dos procesos de ensino e aprendizaxe e do fomento da lectura.

2. As bibliotecas escolares organizan e poñen ao servizo de toda a comunidade escolar os fondos documentais existentes no centro, en soporte impreso, audiovisual, multimedia ou en calquera outro soporte ou medio de transmisión de contidos culturais ou informativos.

3. As súas funcións son:

a) Realizar a xestión técnica dos fondos documentais, segundo criterios estandarizados e adaptados ás características dos centros educativos.

b) Facilitar a formación das persoas usuarias na utilización da biblioteca e en educación documental, e favorecer o acceso aos bens culturais e o fomento da lectura.

4. Todos os centros de ensino non universitario organizarán a súa biblioteca escolar segundo as pautas que, sobre xestión técnica, programación de actividades, persoal, horarios, organización e financiamento, se establezan mediante a normativa específica.


5. As bibliotecas escolares cooperarán coa Rede de Bibliotecas Públicas de Galicia, especialmente coa biblioteca ou bibliotecas da súa área de referencia, na creación e consolidación dos hábitos de lectura e na formación para o acceso á información, no marco do Mapa de bibliotecas públicas de Galicia.

23/10/12

24 OUTUBRO DÍA DAS BIBLIOTECAS ESCOLARES

Con motivo do DÍA DAS BIBLIOTECAS ESCOLARES, mañá 24 de outubro levaremos a cabo as seguintes actividades:
.campaña “a biblioteca é de todos. CÓIDAA!"
.exposición de carteis das Bibes dos últimos anos
.exposición de textos de fomento de lectura e frases sobre as bibliotecas.
.exposición de traducións ao galego de obras xuvenís.
.regalo con cada préstamo dunha mochiliña e un marcapáxinas
    
E, como colofón, poñeremos nos recreos un Power Point no que poderemos ver unhas bibliotecas de ensoño.

ETIQUETAS

a lingua (24) A.FdezPaz (4) acoso-bullying (5) actividadeBiblio (109) actualidade (35) adolescencia (4) alfin (2) amor (24) animación (15) arqueoloxía (9) arte (20) astronomía (10) audio (3) audiovisual (33) autores (49) baile (4) bibliotecas (70) bioloxía (6) cartel (5) centenario (16) certames (11) cidades (3) ciencia (20) ciencia-ficción (4) cine (27) club de lectura (4) comic (26) compromiso (81) concursos (38) conferencia (9) congresos (5) contacontos (9) Cosmos (29) cuestionario (4) curta (2) dereitos humanos (53) deseño (4) dicionarios (8) didáctica (16) discapacidade (7) DiversidadeCultural (8) documentais (6) educación (80) efemérides (168) encontros con escritores (14) enlaces (241) enquisas (7) ensaios (1) entrevista (1) entroido (8) Escola de Atenas (1) exposicións (49) expresión oral (2) familia (5) familias (3) ficha (1) filosofía (6) física (2) fomento da lectura (140) fondos (1) formación de usuarios (6) formularios (1) fotografía (6) galego (4) Galicia (40) graduación (3) guías (2) HªEscritura (18) HªOlimpiadas (9) historia (46) homenaxe (63) humor (19) ilustración (8) inglés (38) iniciativas (10) intercambio (4) interculturalidade (14) internet (13) latín (2) letras galegas (50) LIBROS (148) linguas estranxeiras (8) literatura (86) manualidades (2) matemáticas (10) medio ambiente (22) mitoloxía (8) mochilas viaxeiras (1) Morte de Sócrates (1) mulleres (43) MUSE (1) música (49) narrativa (40) natureza (2) Nobel (3) noticias (38) obituario (23) obradoiro (3) Odisea (1) OPINIÓN (2) ortografía (2) patrimonio (18) paz (49) pioneiros (20) poesía (73) premios (41) presentación (14) publicidade (3) química (1) radio (1) RD25Anos (5) recursos (15) revista (2) roteiros (3) S.C.AntiguaGrecia (15) Samaín (6) saúde (6) semana cultural (122) solidariedade (12) teatro (25) textos (1) tics (41) titoría (3) traballo por proxectos (9) traducción (1) tríptico (1) verán (2) viaxes (2) vídeos (90) violencia de xénero (7) votacións (3) xadrez (1) xeografía (6) xogos (15) xornadas (1) xornalismo (2) xubilación (1)

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER