18/12/13

CHARO E TIM DE VOLTA NO "RAFAEL DIESTE"


Charo Pita e Tim Bowley están de volta no IES "Rafael Dieste" un curso máis para seguir contándonos contos en galego e inglés. A mesma historia, o mesmo conto pero en dúas versións. Hoxe estarán para contarllos ao alumnado de 1º e 2º da ESO. Benvidos, de novo.

17/12/13

HOMENAXE RAFAEL DIESTE: O VIDEO E O CUESTIONARIO


Para que todos poidades ver (de novo, se xa o víchedes na biblioteca ou por primeira vez) o video homenaxe que se preparou sobre Rafael Dieste, epónimo do noso centro, aquí o tedes.

Video homenaxe a Rafael Dieste:


E agora podedes comprobar neste enlace QUE SABES DE RAFAEL DIESTE? 

16/12/13

CITANDO AS FONTES...


Traemos hoxe ao blog a traducción dun artigo que atopamos en Biblioblog por Natalia Arroyo, que trata precisamente do tema de citar as nosas fontes tamén no ámbito dixital. Aquí tedes o enlace ao artigo orixinal: 
Aquí a traducción ao galego:
Aqueles que difunden as ideas doutros sen citar expresamente ao seu autor estanse a apropiar de elas. É evidente que se trata dunha práctica moi pouco ética, que supón unha falta de respeto hacia o traballo doutros colegas e di cousas moi negativas de quen a practica. Polo contrario, difundir e mencionar a outros autores considérase un eloxio, unha forma de recoñecimento a traballo dos demáis e contribúe a xerar lazos. A única diferencia está nun pequeno xesto, nunha cita.
A cita é tan importante no ámbito científico que o valor das publicacións e o dos investigadores mídese en citas. A máis citas, enténdese que máis repercusión ten un traballo. A cita é ademáis unha forma de recoñecer que nada se constrúe desde cero, senon que sempre hai unhas bases n o traballo previo doutros. Trátase dunha idea que adaptou o buscador Google, que posiciona nos mellores lugares os sitios web máis enlazados. Entre a xente de letras citar a un autor é unha mostra de sabiduría e demostra ter lido moito.
Desgraciadamente esta mala práctica dase a miudo na nosa profesión a diferentes escalas e ámbitos, desde a palabra falada ata a escrita, pero sucede especialmente no entorno dos blogs e os medios sociais. E non é que no haxa facilidades para mencionar a autoría, polo que non hai excusas para non facelo.
No entorno dixital os principais medios sociais inclúen algunha maneira de recoñecer a autoría:
  • En Twitter, retuiteando unha publicación ou mencionando á persoa ou institución desde a que chegou unha noticia mediante a expresión «vía», seguida do nome da conta da persoa á que se quere mencionar.
  • En Facebook, compartindo unha publicación ou mencionando a súa procedencia, de forma que se inclúa o nome do perfil ou páxina desde a que a tomache. Igualmente, cando se comparte unha imaxe, hai que mencionar a fonte.
  • En Pinterest, repineando unha imaxe.
  • Nun blog, o enlace é a forma máis sinxela de citar, pero tamén débese incluir a mención ao autor. Os enlaces non so son unha cortesía, senon tamén unha forma de que os lectores amplíen contidos.
  • Nunha publicación, incluindo bibliografía e citándoa no corpo do texto, despois de cada idea.
Pode parecer algo insignificante reproducir esta práctica a pequena escala e se tomas unha idea de outra persoa sen mencionar a súa procedencia quizáis non suceda nada. Pero nun detalle tan sinxelo e que non costa nada está en xogo algo tan importante como é a túa reputación, mesmo a da túa institución, e a das túas relacións con outras persoas. No caso dos profesionais da información, que debemos saber desenvolvernos con destreza no tratamiento da información, esta práctica é ainda máis grave.
Sexamos corteses, mencionemos a procedencia das ideas que difundimos, mesmo nos detalles máis sinxelos. Citar non so non nos perxudica, senon que nos engrandece.

15/12/13

HOMENAXE A RAFAEL DIESTE

Ao longo desta última semana antes de Nadal celebraremos na biblioteca unha homenaxe a Rafael Dieste, escritor epónimo do noso centro. A actividade consistirá nun acto duns 40 minutos:
1- Presentación da vida e obra de Dieste (10´)
2-Lectura por parte dos alumnos asistentes dun conto de Dieste (5-6´)
3-Audición doutro conto de Dieste gravado previamente con Audacity a alumnos (5-6´)
4-Vídeo "Encol da morte de Bieito" (7´)
5-LIM sobre a información vista na presentación da vida e a obra (10 minutos)
Cada curso acudirá na hora establecida e co profesor sinalado no horario que estará no taboleiro da sala de profesores, no da biblioteca, neste blog e na Aula Virtual.




LUNS 16
MARTES 17
MÉRCORES 18
XOVES 19
VENRES 20
8.30-9.20



S2ºD Titoría Beatriz
1ºB-Grego-Matilde

9.20-10.10

S3ºA- Carme
S4ºA-B-C Cuca Matilde
S2ºA- Titoría
Pilar Freire
S1ºD Marta

RECREO

RECREO

RECREO

RECREO

RECREO

RECREO

10.30-11.20



S2ºC-Titoría MªMtnez
S3ºC-Titoría Leandro


11.20-12.10

S3ºB Galego-Carme/
4ºC-E.F.-Ter. Amido
S1ºC- L.Esp-Francisca
1ºA-Atenc. educ-Carlos

RECREO
RECREO
RECREO
RECREO
RECREO
RECREO
12.30-13.20
S1ºBTitor
P. Ochoa
S3ºC-D Cuca 
Matilde
S2ºB-Titor.-Maite




13.20-14.10

S1ºA Galego-Carme
2º B-Grego-Matilde
S4ºB-Titoría M.Quintas








16.30-17.20

S4ºA-Titoría- Cruz



17.20-18.10






GUÍA DE NADAL

Aqui tedes xa a guía de lectura de Nadal. Son os libros e DVDs que a biblioteca vos recomenda para estas vacacións. Na guía deste ano hai de todo: novidades que chegaron á biblioteca, contos do autor homenaxeado este ano (R.Dieste), libro de xogos (tema da nosa Semana Cultural abril 2014), libro de poemas do autor ao que se dedica o ano 2014 o Día das Letras Galegas (X.Mª Díaz Castro), cómics e DVDs.
Todos os usuarios que estes días levedes en préstamo algún documento recibiredes un exemplar desta guía.
ESPERAMOS QUE VOS SEXA ÚTIL E QUE PIDADES AOS REIS ALGÚN DOS DOCUMENTOS


11/12/13

DATAS CURIOSAS: 11 / 12 / 13


Hoxe é 11 / 12 / 13, 11 de Decembro de 2013, pero o curioso sobre unha data con números consecutivos é que so acontece cada 100 anos, polo que non volverá a pasar ata o ano 2103: o 01 / 02 / 031de Febreiro de 2103... Esta coincidencia de datas con números consecutivos acontece tres veces cada século, e esta é a derradeira do século XXI.

Outras datas curiosas:
Durante a primeira década do século XXI, houbo coincidencia en números nas datas cada un dos anos, como o 1 de Xaneiro de 2001 (01 / 01 / 01) ou o 2 de Febreiro de 2002 (02 / 02 / 02) e así sucesivamente...
Pero o 11 de Novembro de 2011 (11 / 11 / 11) foi a primeira vez dende 1911 no que houbo o mesmo número en todo. En 2012, houbo outro día capicúa: 21 / 02 / 2012 (o 21 de Febreiro de 2012).

Versión en inglés @ ClickOnEnglish.

10/12/13

DÍA DOS DEREITOS HUMÁNS


O 10 de decembro de 1948, a Asamblea Xeral das Nacións Unidas aprobou a Declaración Universal dos Dereitos Humáns. O tema deste ano é "Celebremos os Dereitos Humáns" en contra do abuso e das violacións dos valores humáns. Os Dereitos Humáns proporcionan as bases para a construcción dun mundo máis xusto e pacífico. Todo ser humán do planeta ten o dereito á dignidade, o respeto e a libertade, calquera que sexa a súa raza, color, sexo, orientación sexual, relixión, opinións e ideas políticas ou orixe nacional ou social, de riqueza ou de outro status.

Versión en inglés desta entrada @ ClickOnEnglish

SEMANA DE RAFAEL DIESTE

Do 16 ao 20 de decembro celebraremos na Biblioteca do noso centro unha semana de homenaxe a Rafael Dieste. Sería desexable que, para unha mellor organización da actividade, os profesores vos anotárades antes deste xoves 12 no horario que vos chegará por correo. O acto consistirá nas seguintes actividades:
 
1- Presentación preparada polo equipo da biblioteca sobre a vida e a obra de Dieste (ca. 10 minutos)
2- Lectura en directo por parte dos alumnos dun conto deste autor (ca. 7 minutos)
3- Audición doutro conto gravado previamente a alumnos (ca. 7 minutos)
4- Realización duns exercicios interactivos para comprobar o grado de atención e asimilación de todo o escoitado (ca.10-15 minutos).




Todos os asistentes recibirán como agasallo un tríptico sobre RAFAEL DIESTE e un marcapáxinas.

06/12/13

ADEUS A NELSON MANDELA




"Death is something inevitable. When a man has done what he considers to be his duty to his people and his country, he can rest in peace. I believe I have made that effort and that is, therefore, why I will sleep for the eternity."
["A morte é algo inevitable. Cando un home fixo o que considera que foi o seu deber para a súa xente e o seu país, pode descansar en paz. Creo que fixen ese esforzo e por iso dormirei eternamente"]
NELSON MANDELA

A morte do líder Sudafricano, ainda que esperada, conmocionou ao mundo enteiro. Este símbolo da loita dos dereitos humáns, do consenso e a reconciliación dun país, morreu onte pola noite. Deixamos aquí uns enlaces para que saibades da súa vida exemplar.

Enlaces:
- MORRE NELSON MANDELA AOS 95 ANOS (Cadena Ser)
- A PRENSA MUNDIAL RECORDA A VIDA DE NELSON MANDELA (El País)
- MANDELA: DE LOITADOR ANTIAPARTHEID A PRESDIENTE (Galería de imaxes/El País)
- NELSON MANDELA: A SÚA VIDA NAS SÚAS PALABRAS (En inglés/The Guardian)

Video RTVE: A súa toma de posesión como presidente (1994):
Video "INVICTUS":

Versión en inglés de esta entrada @ ClickOnEnglish.

05/12/13

PORTFOLIOLECTOR



Presentámosvos unha páxina interesante sobre o fomento da lectura. O Portfolio Lector é un espacio web na que pretendemos recopilar aqueles recursos dispersos pola rede en torno ao desenrolo da comprensión lectora a través da Literatura: guías de lectura para diferentes niveis, tanto de literatura clásica como literatura xuvenil; fichas de comprensión lectora; propostas didácticas xerais con e sen TICs...

03/12/13

QUEN SON OS KNOWMAD?


Para que unha organización funcione é fundamental que todos compartan o que saben. A Xestión do Coñecimento é unha constante nos departamentos de Recursos Humáns e no seu entorno surxen profesionais clave: os knowmad.  Antes de ver quen son, é necesario saber qué entendemos por Xestión do Coñecimento e cales son as súas relacións.
A Xestión do Coñecimento é a combinación de información e xestión de recursos humans. Hai que fomentar dentro da organización a participación, o compromiso por compartir coñecimentos, que aprendan uns de outros e que toda esa información poidan aplicala no seu traballo e poñan en práctica ese coñecimento común na organización para ventaxas de todos.
Ademáis, as novas tecnoloxías e Internet axudan a crear grupos e comunidades online nunha organización para que os profesionais poidan intercambiar ideas e desenrolar o seu talento. Unha boa oportunidade para que cualquera compañía se abra e deixe que a información flúa.
O término knowmad é un neoloxismo que combina as palabras know (conocersaber) e nomad (nómada) e que da conta do perfil do suxeito capaz de ser un nómada do coñecimento. Foi creado por John Moravec para referirse aos traballadores nómadas do coñecimento e a innovación. Caracterízase por ser innovador, imaxinativo, creativo, capaz de traballar en colaboración con casi cualquera persoa, en cualquer momento e lugar. Un knowmad é valorado polo seu coñecimento persoal, o que lle proporciona unha ventaxa competitiva con respecto a outros traballadores.

28/11/13

FINA CASALDERREY NA RAG



Fina Casalderrey ven de ingresar na Real Aacademia Galega, cun discurso que tivo lugar no Teatro Principal de Pontevedra, eloxiando a infancia como un tempo de imaxinación e xermolo da ficción.
Deixámosvos cun enlace sobre o acto: INGRESO DE FINA CASALDERREY NA RAG.
e outro ao discurso de ingreso: VIAXE Á SEMENTE: DENDE OS REFACHOS DO CORAZÓN ATA ONDE HABITA O IMAXINARIO.


26/11/13

RAFAEL DIESTE NA BIBLIOTECA


Este ano dedicaremos a última semana de decembro ao escritor que dá nome ao noso centro, RAFAEL DIESTE. Como xa fixemos con Cunqueiro, Celso Emilio e Rosalía, proxectaremos unha presentación sobre a vida e a obra deste autor, e leremos textos dalgúns relatos da súa obra "Dos arquivos do trasno". Por certo...que nome ten o blog da biblioteca? Pois iso, somos fans de Dieste, somos BIBLIODIESTE. 



22/11/13

O VALEGO: O GALEGO DE ESTREMADURA


O filólogo Henrique Costas ven de publicar "O VALEGO", un libro que trata sobre o xeito de falar de orixe galego que teñen nos concellos estremeños do Val de Ellas: Valverde do Fresno, As Ellas e San Martín de Trebello. 
Enlace ao artigo de "La Voz de Galicia": AQUÍ.

Henrique Costas: «Teñen arcaísmos desaparecidos en Galicia hai séculos»

21/11/13

IMPUNIDADE POLO PRESTIGE



A sentenza, feita pública cando se están a cumprir os 11 anos da catástrofe do Prestige, absolve aos acusados de "delitos mediambientais". Ante o estupor, a memoria, sempre a memoria, porque tamén o dicía de todas as manerias posibles El olvido que seremos...

A memoria en forma de libros:
E outros que aparecen no seguinte enlace.  

Máis enlaces de memoria dende outras blogues de bibliotecas:
- QUE NO NOS QUITEN A MEMORIA
- 11 ANOS DO DESASTRE DO PRESTIGE
- GOAS NEGRAS
En educación, sempre estamos a traballar coas mesmas idades e con distintos alumno e alumnas. É nosa miseria (o mito de Sísife) e a nosa grandeza.

20/11/13

"EL CHICO DE LA ÚLTIMA FILA", TEATRO NA CORUÑA




O venres un grupo de alumnos do club de lectura de Bacharelato e os profesores encargados fomos ao teatro Rosalía de Castro a ver a obra "El chico de la última fila", de Juan Mayorga:



Germán, profesor de Bacharelato de Lingua e Literatura, mentres corrixe unhas redaccións dos seus alumnos sobre o que fixeron durante a fin de semana, observa con decepción que os seus alumnos non son capaces de escribir nin dúas frases seguidas. Pero de súpeto aparece unha redacción ben escrita.



Así é como comeza esta obra. Se queredes ler máis, preguntade por ela na biblioteca.



19/11/13

ELENA PONIATOWSKA, PREMIO CERVANTES 2013


A escritora mexicana Elena Poniatowska gaña o premio Cervantes 2013. A periodista é autora de libros como 'Hasta no verte, Jesús mío', 'La piel del cielo' e 'Leonora'. Con 81 anos é a cuarta muller que recibe o premio.

+ información neste enlace do xornal "El País".

17/11/13

FALECE A ESCRITORA DORIS LESSING


A escritora británica Doris Lessing, gañadora do Premio Nobel de Literatura no ano 2007, faleceu onte á noite á idade de 94 anos, segundo ven de informar o xornal británico The Guardian. Nacida en Irán, creceu en Zimbabwe, onde escribiu a súa primeira novela "The Grass is Singing" ("Canta a herba"), pero viviu en Londres durante máis de medio siglo, escribindo máis de 50 novelas entre a política e a ciencia ficción.

A noticia en "EL HUFFINGTON POST"

Deixámosvos con algunhas das súas reflexións, que comentou nunha entrevista a "El País" en outubro de 2007, cando recibiu o Premio Nobel:


"A guerra e a memoria non acaban nunca"


"A televisión foi o final da conversación; terminou aquelo de sentarnos a comer todos xuntos"

"Teño a idade que teño e sigo enfadada. Sinto como sentía o meu pai: ira, ira, ira pola guerra"

"Este tipo de sociedade tan confiada na que vivimos debe ser única na historia. Cándo pasou isto antes?"

ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER