30/06/17

FIN DE CURSO 2017: BO VERÁN A TOD@S!

Pois sí, ainda que xa fai unha semana que finalizaron as clases, é hoxe cando oficialmente rematamos o curso 2016-17, recollemos todos os libros, papeis, informes e pechamos para irnos a unhas merecidas vacacións.

Así tamén poñemos o peche ao curso nos Arquivos Do Trasno. Un curso que estivo cheo de actividades que recollimos aquí entrada a entrada.

Únicamente desexarvos a todos: alumnado, profesorado, familias, persoal do centro en xeral un moi bo verán, un merecido descanso e boas vacacións.

En Setembro volveremos a abrir os Arquivos Do Trasno a moitas máis cousas novas...

29/06/17

GRACIÑAS, PAUL!

Algúns de vos recordaredes aínda a un vello amigo do noso instituto, Paul Behrend, quen foi auxiliar de conversa no noso centro durante dous cursos de 2011 a 2013. Recentemente regresou definitivamente ao seu país, os Estados Unidos, despois da súa estadía de 7 anos en España, pero fíxonos chegar unha caixa de material para o noso centro con xogos e algún que outro libro. 
Un deses libros é moi especial porque ven cunha dedicatoria de recordo do seu puño e letra e como doazón á Biblioteca do Rafael Dieste.
Dende aquí queremos agradecer o seu recordo e xesto, recordalo e homenaxealo como un dos auxiliares máis dedicados e comprometidos co centro, o alumnado e os profesores e desexarlle todo o mellor na súa nova vida de volta no seu país.
Xa sabes donde estamos!
Good luck, Paul! Graciñas!


Aquí tedes as fotos do libro que cedeu e a súa dedicatoria:




28/06/17

DEVOLVENDO A VISITA AOS NOSOS AFILLADOS...


A relación creada entre os padriños de 4ºESO do noso centro e os seus afillados lectores do CEIP de "Prácticas" afiánzase. E a pasada semana os padriños devolveron a visita e foron recibidos polos seus afillados no seu colexio.

No ximnasio do cole pasaron un rato agradable vendo unhas exposicións que prepararon e esoitando unhas actuacións que tiñan preparadas, charlando e xogando.

Xa son grandes amigos todos!
Ao final desta entrada podedes ver un video da actuación.







Video:

15/06/17

ENQUISA BIBLIOTECA 2017 PARA TODO O PROFESORADO

Aquí tedes o enlace para poder cubrir a enquisa sobre o uso da biblioteca para que participe todo o profesorado do centro antes de fin de curso.
Tamén podedes seleccionar o tema da Semana Cultural do vindeiro curso.



07/06/17

PREMIADAS EN "VOZ NATURA 2017"

[Foto: Ángel Manso, "La Voz de Galicia"]

Achegamos un recorte do xornal "La Voz de Galicia" do día de hoxe no que podemos ver a unha das alumnas e unha profesora do noso centro. Foi o pasado sábado 3 de xuño en Acea de Ama, Culleredo, donde se celebrou a XX Festa Anual de Fin de Curso de "VOZ NATURA"

A nosa alumna Marta Guede de 2ºESO-A resultou gañadora do segundo premio na modalidade de Entrevista do Concurso "Mellor Periodista Infantil e Xuvenil 2016-2017". Na foto aparece coa súa profesora de Lingua Castelá, Mercedes Garrote.

Noraboa e parabéns a ambas!

05/06/17

CONCURSO CULTURA CLÁSICA 2017



O pasado martes 30 de maio, celebrouse como cada ano o "Concurso de Cultura Clásica" entre varios institutos da cidade. Este curso viñeron todos a concursar ao noso centro. Volvimos a ter gañadores en cada unha das categorías:


- Na categoría de 4ºESO, foi gañadora a nosa alumna, que aparece na foto superior:
 MAR CHANTRE FERNÁNDEZ  (4ºESO-B).


- Na categoría de 3ºESO, foi segundo o noso alumno, que aparece na foto superior:
AXEL RODRÍGUEZ LÓPEZ (3ºESO-C).

Parabéns aos gañadores e a todos os participantes!

01/06/17

APADRIÑANDO NOVOS LECTORES DO COLEXIO CEIP "SAN PEDRO DE VISMA"


Onte apadriñamos novos lectores outra vez. De novo alumnado de 4ºESO foron a gañar adeptos á lectura e a lerlles contos aos máis pequenos doutro dos nosos colexios adscritos, o CEIP "San Pedro de Visma".

Pero desta volta en lugar de recibilos no noso instituto, foi o noso alumnado quen visitou a súa escola. Contáronlles o mesmo conto, "A Galiña Azul" de Carlos Casares, e dibuxaron e pintaron a súas propias galiñas.

E logo os pequenos acompañaron ao noso alumnado a unha visita polo seu cole, mostrando a súas instalacións exteriores: a súa horta e o seu propio galiñeiro. Despois pasaron individualmente a lerlles os contos, pero nos xardíns do cole esta vez. Todo un luxo!

Unha boa experiencia para todos, unha vez máis!

Deixámosvos cunha colección de fotografías:




Dibuxando ás galiñas:


Visitando as instalacións do colexio, a horta e o galiñeiro:


Apadriñando lectores ao aire libre:


O conto de "A Toupiña":


Video "A Toupiña":


ETIQUETAS

8-M a lingua acoso-bullying actividadeBiblio actualidade adolescencia Ágora alfin amor animación ApadriñaLector arqueoloxía arte astronomía audio audiovisual autores baile bibliotecas bioloxía blog cartel centenario certames cidades ciencia ciencia-ficción cine club de lectura comic compromiso concertos concursos conferencia congresos contacontos Cosmos cuca cuestionario curta dereitos humanos deseño dicionarios didáctica discapacidade DIVERINTERCULTURAL DiversidadeCultural documentais educación efemérides encontros con escritores enl enlaces enquisas ensaios entrevista entroido exposicións expresión oral familias feminismo ficha filosofía física fomento da lectura fondos formación de usuarios formularios fotografía francés galego Galicia Gastronomía graduación Grego guías HªEscritura HªOlimpiadas historia homenaxe HoraDeLer humor ilustración inglés iniciativas intercambio interculturalidade internet latín letras galegas LIBROS LibrosVivintes linguas estranxeiras literatura manualidades matemáticas medio ambiente microrrelatos mitoloxía mochilas viaxeiras mulleres MUSE museos música nadal narrativa natureza Nobel noticias O CINE O MAR obituario obradoiro Odisea OPINIÓN ortografía P.Cervantes P.Dado Pasapalabra patrimonio PATRIMONIOGALEGO paz pioneiros PLAMBE PlanProxecta poesía premios presentación publicidade química radio Radiofiestra RadioNaBiblio RD25Anos recursos revista roteiros S.C.AntiguaGrecia Samaín saúde semana cultural solidariedade teatro textos tics titoría traballo por proxectos traducción tríptico verán viaxes vídeos violencia de xénero votacións xadrez xeografía xogos XOGOSTRADICIONAIS xornadas xornalismo xubilación

PUBLICACIÓNS POPULARES DA SEMANA

PUBLICACIÓNS POPULARES DO MES

PUBLICACIÓNS POPULARES DE SEMPRE

ESTATÍSTICAS DE VISITAS

LinkWithin

Related Posts with Thumbnails

BIBLIOTECAS ESCOLARES DE GALICIA

BIBLIOTECAS ESCOLARES DE GALICIA
Blogue

BIBLIOTECAS GALEGAS DE PRIMARIA

BIBLIOTECAS GALEGAS DE PRIMARIA
Blogues

BIBLIOTECAS GALEGAS DE SECUNDARIA

BIBLIOTECAS GALEGAS DE SECUNDARIA
Blogues

BLOGALIZA

CANAL LECTOR

PASAPALABRA

PORTAL DAS PALABRAS

PROLINGUAPROLINGUAPROLING

TICs

educ@conTIC

WIKISABER